2024-cü ilin yanvar-noyabr aylarında “İpək Yolu Sığorta” ASC-nin yığımlarının dəyəri 6 milyon 90 min manat olub.

Valyuta.az xəbər verir ki, bu, 2023-cü ilin eyni dövrü ilə müqayisədə 62,6% və ya 10 milyon 212 min manat azdır. 2023-cü ilin yanvar-noyabr aylarında “İpək Yolu Sığorta” ASC-nin yığımlarının dəyəri 16 milyon 302 min manat təşkil edib. Bu ilin hesabat dövründə şirkətin ödənişlərinin dəyəri 248 min manat olub ki, bu da 2023-cü ilin eyni dövrü ilə müqayisədə 59,7% və ya 368 min manat azdır. 2023-cü ilin hesabat dövründə şirkətin ödənişlərinin həcmi 616 min manat olub. 

Cari ilin yanvar-noyabr aylarında Azərbaycandakı 17 sığorta şirkətinin xətti ilə 1 milyard 222,166 milyon manat sığorta haqqı toplanılıb. Bu, ötən ilin eyni dövrünə nisbətən 10,3% çoxdur. Hesabat dövründə sığorta şirkətlərinin həyata keçirdikləri ödənişlərin məbləği isə 694,053 milyon manat təşkil edib. Bu isə illik müqayisədə 39,5% çoxdur.

11 ay ərzində sığorta bazarında toplanmış hər 100 manat sığorta haqqının 56,8 manatı ödəniş edilib. Ötən ilin eyni dövründə bu göstərici 44,9 manat olub.