Böyük Britaniyanın enerji nəhəngi BP 2024-cü ildə Azərbaycanın ən böyük neft yatağı “Azəri-Çıraq-Günəşli”də hasilatı artırır.

Valyuta.az xəbər verir ki, bu barədə "Fitch Group"a aid olan "Fitch Solutions” (FS) şirkətinin hesabatında bildirilib.

Qeyd edilib ki, bu artım ölkənin neft sektorunda uzunmüddətli struktur tənəzzülün qarşısını almayacaq. Belə ki, neft yatağının hasilatı son on ildə 50%-dən çox azalıb.

Bununla belə, yatağın Azəri-Mərkəzi-Şərq (ACE) hissəsinə 6 milyard ABŞ dolları investisiya edilməsi Azərbaycanın istehsal və ixrac imkanlarına çox ehtiyac duyulan həcmləri əlavə edəcək. BP-nin sərmayəsi istehsal gücünü cari səviyyədən 25%-ə qədər artıracaq və hasilatın yaxın gələcəkdə günlük 24 min barelə yüksəlməsinə səbəb olacaq. Hasilatın hər il maksimum günlük 100 min barelə qədər artması nəzərdə tutulur.

"Müvafiq olaraq, biz ixracın 2023-cü ildəki 4,8%-dən 2024-cü ildə 6,5%-ə və 2025-ci ildə 7,0%-ə yüksələcəyini gözləyirik" - FS-nin proqnozunda bildirilib.