Bu ilin yanvar-avqust aylarında Azərbaycanda 19 milyon 304,1 min ton xam neft (qaz kondensatı daxil olmaqla) istehsal edilib.

Valyuta.az Dövlət Statistika Komitəsinə istinadən xəbər verir ki, bu, ötən ilin eyni dövrü ilə müqayisədə 925 min ton və ya 4,6 % azdır. Ötən ilin eyni dövründə Azərbaycanda 20 milyon 229 min ton xam neft (qaz kondensatı daxil olmaqla) istehsal olunub.

Hesabat dövründə Azərbaycanda 33 milyard 30,4 milyon kub metr təbii qaz istehsal edilib ki, bu da illik müqayisədə 831 milyon kub metr, yaxud da 2,6 % çoxdur. 2023-cü ilin ilk səkkiz ayında Azərbaycanda 32 milyard 199,6 milyon kub metr təbii qaz istehsal edilib.

Əvəz Həsənov