2022-ci ildə  “AzerGold” QSC-nin xalis mənfəəti 32,6 milyon ABŞ dollarına (55,5mln manat) bərabər olub. Bu isə 2021-ci illə müqayisədə 1,3% və ya 424 min dollar azdır.

Valyuta.az bu barədə şirkətin konsolisə edilmiş maliyyə hesabatına istinadən xəbər verir. Belə ki, “AzerGold”un 2021-ci ildə 33,5 milyon dollar xalis mənfəət açıqlamışdı.

Dövlət şirkətinin gəlirləri ötən il 2021-ci ildəki 112,7 milyon dollardan, 2022-ci ildə  123,65 milyon dollara yüksəlib. Başqa sözlə, şirkətin gəlirləri 11,6 milyon dollar artıb.

Ötən il “AzerGold”un törəmə müəssisələri isə zərər edib.

“AzerBlast” MMC 2022-ci ili 304 min dollar xalis zərərlə bitirib ki, bu da 2021-ci ilə nisbətən 89,6% çoxdur. 2021-ci ildə müəssisənin zərəri 160 min dollar təşkil edib.

“Daşkəsən Dəmir Filiz” MMC-nin zərəri isə daha çox olub – 2,1 milyon dollar. Bu isə ötən ilə nisbətən 1,4 milyon dollar azdır. 2021-ci ili MMC daha çox -3,5 milyon dollar zərərlə bağlamışdı.

Leyli