Azərbaycan əhalisinin yüngül sənaye malları hesab olunan geyim əşyaları və ayaqqabıya marağı geniş olsa da, ölkə daxilində bu sahə üzrə istehsal hələ də zəif olaraq qalmaqdadır. Ölkənin ayaqqabı və geyim əşyalarına olan tələbatı demək olar bütünlüklə idxal hesabına təmin edilir. Halbuki həmin malları keyfiyyətli şəkildə daxildə də istehsal etmək olar.

Liberal İqtisadçılar Mərkəzinin sərdi Akif Nəsirli Valyuta.az-a açıqlamasında bildirib ki, yüngül sənaye sahələrinin, o cümlədən geyim və ayaqqabı istehsalının geniş vüsət alması üçün ilk növbədə təcrübə lazımdır:

"Bu təcrübəni qısa müddətdə əldə etmək mümkün deyil. Ona görə də ya hökumət dünya brendlərinə Azərbaycanda bu məhsulların istehsalını təşkil etməyə şərait yaratmalıdır, ya da yerli sahibkarlar həmin sahədə ciddi təcrübəyə malik olmalıdırlar. Azərbaycanda istehsal edilən geyim məhsulları adətən keyfiyyətsiz olması ilə seçilir. Keyfiyyətsizlik isə bu sahədə çalışanların təcrübəsinin azlığından irəli gəlir. Belə keyfiyyətli məhsul istehsal edən brendlər onilliklərin təcrübəsi əsasında indiki səviyyəyə gəlib çıxıblar. Azərbaycanda da bu mənada belə sahibkarlar nəslinin yetişməsi üçün xeyli vaxt lazımdır. Digər tərəfdən, prosesə maneələr olmamalıdır. Azərbaycanda isə bu tendensiya geniş yayılıb. Yəni azad sahibkarlıq mühitinin olmaması da prosesin inkişafını ləngidən haldır”.    

Ramiz