Bu ilin yanvar-aprel aylarında Azərbaycan 52 985,98 min ABŞ dolları dəyərində 22 101,88 ton alüminium və ondan hazırlanan məmulatları ixrac edib.

Dövlət Gömrük Komitəsindən Valyuta.az-a daxil olan xəbərə görə, 2021-ci ilin yanvar-aprel aylarında Azərbaycanın ixrac etdiyi alüminium və ondan hazırlanan məmulatların dəyəri ötən ilin müvafiq dövrünün göstəricisi ilə müqayisədə 2 dəfə, həcmi isə 61,5% artıb.

Məlumata görə, hesabat dövründə alüminiumun ümumi qeyri-neft sektoru üzrə ixracda payı 7,6% təşkil edib.