Sumqayıt şəhərində fəaliyyət göstərən “Müasir Stomatologiya-Stomatoloji klinika” tərəfindən epidemiya əleyhinə rejimi və sanitariya-gigiyena tələblərini pozduğu aşkar olunub.

İqtisadiyyat Nazirliyindən Valyuta.az-a verilən xəbərə görə, ictimai iaşə və turizm obyektləri istisna olmaqla, digər sahibkarlıq subyektlərində pandemiya şəraitinin zəruri qayda və tələblərinə əməl olunmasına nəzarət məqsədilə mayın 4-də növbəti monitorinq keçirib. 

Monitorinq zamanı həmçinin “Məlhəm-mağaza”, “Şüküroğlu mebel”, “Elmar market”, “Mebel sərgi salonu”, “Mebel klassika” pərakəndə ticarət obyektləri, Elmin Əliyevə və Qismət Məmmədova məxsus mağazalar olmaqla, ümumilikdə 16 obyekt tərəfindən sanitariya-gigiyena tələblərini pozduğu aşkar olunub.

Nöqsanlara yol vermiş sahibkarlıq subyektləri barədə İnzibati Xətalar Məcəlləsinə uyğun olaraq müvafiq tədbirlər görülüb.