"Spark Therapeutics" şirkəti tərəfindən istehsal edilən "Luxturna" preparatı o qədər innovativdir ki, başlanğıcda dozasını 1 milyon dollara satmaq istəyirdilər.

Valyuta.Az gent.az-a istinadən xəbər verir ki, "Luxturna" insanı ciddi xəstəlik olan genetik korluqdan müalicə edir. Dərman bu xəstəliyi genoterapiya (günümüzün səhiyyəsində pasientin somatik hüceyrələrinin genetik apparatına dəyişiklik edən ultramüasir və faydalı istiqamət) vasitəsi ilə yox edir.

Sığorta şirkətləri bir doza üçün 1 milyon ABŞ dollarının büdcə üçün ağır çəki olduğunu qeyd edəndən sonra şirkət dərmanın qiymətini 15% aşağı salır. Amma buna baxmayaraq, "Luxturna" yenə də dünyanın ən bahalı dərmanı kimi qalmaqdadır.

Testlər göstərir ki, preparat həqiqətən irsi korluğu müalicə edir. Hesablamalara görə, ABŞ-da təxminən 2 min nəfər bu xəstəlikdən əziyyət çəkir.

Bu preparat necə işləyir? İnyeksiyadan sonra dərman gözə virus kimi təsir edərək xəstə geni dəyişir və bundan sonra görmə qabiliyyəti bərpa olunmağa başlayır.

Hər gözə bir inyeksiya tələb olunur.

Bu qədər xeyirli olmasına baxmayaraq xəsis əczaçıları tənqid edən mütəxəssislər qeyd edir ki hətta müasir gen terapiyası üçün baha qiymətdir. Məsələn, qan xərçənginin qarşısını alan preparatın qiyməti 474 min ABŞ dollarıdır.