Bu il fevralın 1-dən 21-inə kimi ölkə üzrə virusa yoluxmuş şagirdlərin sayı 225, virusa yoluxmuş işçi heyətinin sayı 159 nəfər təşkil edib. Bu barədə Təhisl Nazirliyinin fevralın 23-də yaydığı məlumatda deyilir.

Fevralın 22-dək distant təhsilə keçirilmiş siniflərin sayı 84, distant təhsilə keçirilmiş məktəblərin sayı 4-dür.

Gigiyena və Epidemiologiya Mərkəzinin qərarına əsasən, dörd təhsil müəssisəsi – Bakı İncəsənət Gimnaziyası, Bakı şəhər 82 saylı orta məktəbi, Gəncə şəhər 37 saylı orta məktəbi və Ağdam rayonunda Afətli kənd məktəbi distant təhsilə keçirilib.

Xatırladaq ki, ölkə üzrə məktəblər koronavirus pandemiyası ilə əlaqədar uzun müddət bağlı qaldıqdan sonra, fevralın 1-dən dərslər bərpa olunub. ölkə ərazisində 4427 məktəb, 71 764 sinifdə qismən ənənəvi tədris təşkil edilib. Əyani tədrisə cəlb olunmuş şagirdlərin ümumi sayı 600 000, işçi sayı isə 120 000 nəfərdir. //Turan