Rusiya İstehlakçıların Hüquqlarını Müdafiə Milli Birliyi (İHMM) Dövlət Dumasına, Səhiyyə Nazirliyinə və Roszdravnadzor-a piramida paketlərində istehsal olunan çayın təhlükəsizliyini bildirən məktubla müraciət edib. 

Valyuta.az xəbər verir ki, bu barədə “Vedomosti” məlumat yayıb.

Dövlət Təhsil Universitetinin Tibb Fakültəsinin Fundamental Tibb Fənləri Kafedrasının müəllimi Aleksandr Umnov Kanadanın MakGilla Universitetinin araşdırmasına əsaslanaraq, piramida çantalarının içərisində plastik ola biləcəyini və bunun xərçəngin inkişafına səbəb ola biləcəyini söyləyib. Bundan sonra Duma sədrinin müavini Boris Çernışov səhiyyə naziri Mixail Muraşkodan belə çayın insanların sağlamlığına təsirini öyrənməyi xahiş edib.

İHMM-in rəhbəri Pavel Şapkin bildirib ki, tədqiqat zamanı kanadalı alimlər bilərəkdən piramidaları kəsib, onları 95°C temperaturda suya batırıblar. Beləliklə, materialın strukturu ciddi şəkildə zədələnib və bu, mikroplastiklərin ayrılmasına səbəb olub.

Rospotrebnadzor yanında İctimai Şuranın sədr müavini Oleq Pavlov bildirib ki, hazırda piramidalarda çayın zərərini sübut edəcək bir araşdırma yoxdur. Onun fikrincə, Rusiyada belə çayın satışına qadağa qoyulmayacaq.

İyunun 27-də Rusiya Federasiyasının əməkdar həkimi, onkoloq cərrah Andrey Korjikov Çernışovun plastik piramidalı çay paketlərinin sağlamlığa mənfi təsiri ilə bağlı narahatlığını şərh edib. Mütəxəssisin sözlərinə görə, paketlərin xərçəng də daxil olmaqla ciddi xəstəliklərin inkişafına səbəb ola biləcəyi iddiaları tibbi statistika ilə təsdiqlənmir.

Nicat