Nyu York Universitetindən dietoloq və molekulyar bioloq Marion Nesl bildirib ki, məşhur inancın əksinə olaraq, istənilən növ şokoladda faydalı bitki birləşmələrinin, flavonolların konsentrasiyası azalır. Eyni zamanda şokoladın tərkibində çoxlu kalori və şəkər var. 

Valyuta.az xəbər verir ki, bu barədə Daily Mail məlumat yayıb.

Diyetoloqun fikrincə, hətta tünd şokolad belə ona aid edilən antioksidant xüsusiyyətlərə malik deyil. Südlə müqayisədə onun tərkibində daha çox flavonol var - bədən hüceyrələrini sərbəst radikalların zədələnməsindən qoruya bilən bitki birləşmələri. Bunlar maddələr mübadiləsi zamanı bədəndə toplanan hissəciklərdir.

Lakin istənilən növ şokolad hazırlanarkən antioksidantla zəngin kakao tozu şəkər, kakao yağı və yüksək kalorili, şəkər və yağ olan bitki yağları ilə qarışdırılır.

Dietoloq qeyd etdi ki, antioksidant effekt əldə etmək üçün yeddi parçaya qədər südlü şokolad yemək və ya qara şokoladdan gündəlik kalori qəbulunuzun yarısını (təxminən 750) “qazanmaq” lazımdır. Bu yemək strategiyası istər-istəməz artıq çəkiyə gətirib çıxaracaq, həmçinin diabet və ürək xəstəlikləri riskini artıracaq. 

Nicat