Azərbaycanda koronavirus (COVID-19) infeksiyasına son 1 həftədə (14.08.2023-20.08.2023) 27 yeni yoluxma faktı qeydə alınıb, 9 nəfər müalicə olunaraq sağalıb.

Nazirlər Kabineti yanında Operativ Qərargahdan Valyuta.az-a verilən məlumata görə, analiz nümunələri müsbət çıxanlardan vəfat edən olmayıb.

Azərbaycanda indiyədək ümumilikdə 832 071 nəfər koronavirus infeksiyasına yoluxub. Onlardan 821 747 nəfər müalicə olunaraq sağalıb, 10 295 nəfər vəfat edib, aktiv xəstə sayı 29 nəfərdir.

Ölkədə son həftə ərzində 2516, hazırkı dövrədək isə 7 668 437 test aparılıb.

Son bir həftədə koronavirus əleyhinə 166 vaksin vurulub. Həftə ərzində birinci mərhələ üzrə vaksinasiya olunanların sayı 29, ikinci mərhələ üzrə vaksinasiya olunanların sayı 38, üç və daha çox doza vaksin vurduranların sayı 89, pozitiv nəticədən sonra buster doza üzrə vaksinasiya olunanların sayı isə 10 nəfərdir.

Ölkədə vurulan vaksinlərin ümumi sayı 13 968 857, birinci mərhələ üzrə vaksinasiya olunanların ümumi sayı 5 413 152, ikinci mərhələ üzrə vaksinasiya olunanların sayı 4 884 309, üç və daha çox doza vaksin vurduranların sayı 3 405 014, pozitiv nəticədən sonra buster doza üzrə vaksinasiya olunanların sayı isə 266 382 təşkil edir.