Havaların kəskin istiləşməsi insanlar arasında günvurma hallarının artması ilə də müşahidə olunur. Bu dövrdə insanları düşündürən məqamlardan biri də günvurmadan necə qorunmaq məsələsidir. 

Tibb elmləri doktoru Adil Qeybulla Valyuta.az-a açıqlamasında istidən qorunmaq üçün saat 12.00-16.00 arasında günəş şüaları altında dayanmamağı məsləhət görüb:

“Günəş şüaları birbaşa düşən zaman uzun müddət çimərlikdə dayanmamalıyıq. Ən əsası günəşin çox düşdüyü yerdə başaçıq gəzməməliyik. Günəş şüalarının təsirindən isti vurma hadisəsi də olur. Bu bədəndə bir tərəfdən, ultrabənövşəyi şüaların təsiri, digər tərəfdən termarequlyasiya, yəni orqanizmdə istilik tənzimləmə mexanizmlərinin pozulmasına bağlıdır. Çimərliyə axşam üstü getmək, günəş şüaları altında uzun müddət uzanmamaq, birbaşa uzanıb yatmamaq lazımdır. Bu hal gün yanıqlarına da səbəb olur ki, bu da total nəticələrə səbəb ola bilər. Gün vuran şəxsi dərhal sərin yerə keçirmək lazımdır. Ondan sonra bədənini soyuq dəsmalla silmək və həkim çağırmaq lazımdır”.

Ramiz