Milli Məclisin bu gün keçirilən plenar iclasında Nazirlər Kabinetinin 2020-ci ildə fəaliyyəti haqqında hesabatı müzakirə edilib.

Valyuta.Az xəbər verir ki, hesabatı Baş nazir Əli Əsədov təqdim edir.

Daha sonra isə hesabat deputatların müzakirəsinə çıxarılacaq.

İclasda hökumət üzvləri də iştirak edir.

***

“2020-ci il Prezident İlham Əliyevin rəhbərliyi ilə torpaqlarımzın azad edilməsi ilə əlamətdar olub. Bu zəfər əsgər və zabitlərimizin iradəsini, xalqımızın əzmini bütün dünyaya nümayiş etdirdi”.

Onun sözlərinə görə, uzun illər ərzində yaradılmış iqtisadi və hərbi potensial düşmən üzərində qələbəmizi şərtləndirdi:

“Bu münasibətlə hər kəsi təbrik edirəm”.

***

“Ötən il pandemiya ilə mübarizə və onların aradan qaldırılması məqsədilə davamlı tədbirlər həyata keçirilib”.

Onun sözlərinə görə, ölkə başçısının tapşırığına əsasən dövlətin bütün imkanları insanların sağlamlığının qorunmasına yönəlib:

“Qısa müddət ərzində modul tipli xəstəxanalar yaradıldı. İl ərzində xarici ölkələrdən tibbi personallar dəvət edilib. Ölkə başçısının sərəncamı ilə xüsusi fonda yaradılıb. Həmin fonda bu günədək 114 milyon manat artıq vəsait yığılıb. Artıq peyvəndlər alınıb və ölkəmizə gətrilib. Bu günə qədər 460 minə yaxın vətəndaş vaksinasiya olunub”.

*** 

“Şəhid ailələri və müharibə əlillərinin sosial müdafiəsinin gücləndirilməsi daim ölkə başçısının xüsusi nəzarəti altındadır. Bu məqsədlə həmin şəxslərin sosial müdafiəsinin gücləndirilməsi məqədilə Prezident təqaüdünün məbləği artırılıb”.

Onun sözlərinə görə, 44 günlük Vətən müharibəsində şəhid olan 2881 nəfərin 2695-nin ailələrinə 44 milyon manatdan çox sığorta ödənişləri verilib.

*** 

“İşğaldan azad edilmiş ərazilərin bərpası ilə bağlı ilkin işlərə başlanılıb. Bunun üçün dövlət büdcəsində 2,2 milyard manat maliyyə təminatı yaradılıb”.

Onun sözlərinə görə, işğaldan azad edilən bütün yerlər bərpa olunacaq: “Müharibə zamanı mənfur düşmən münaqişə zonasından kənar olan yerlərə də zərbələr endirib. Həmin ərazilərdə zərər çəkmiş evlərin tikintisinin başa çatması üçün tədbirlər görülməkdədir”.