"Mən çox şadam ki, peşə təhsili ilə bağlı işlər davam edir. Buna çox böyük ehtiyac var". 

Valyuta.az xəbər verir ki, bunu Azərbaycan Prezidenti İlham Əliyev bu gün Türkiyə Respublikasının milli təhsil naziri Ziya Selçuku qəbul edərkən deyib.

“Xüsusilə, Azərbaycan, dediyim kimi, bu gün böyük quruculuq işlərinin astanasındadır və həm azad edilmiş torpaqlarda, həm də bütün ölkə üzrə yeni təhsilli kadrların hazırlanması çox böyük önəm daşıyır" – deyə dövlət başçısı qeyd edib.

Prezident, ona görə də azad edilmiş torpaqlarda ixtisaslar üzrə, o bölgələrin potensialına uyğun olaraq peşə məktəbləri yaradılmalı olduğunu diqqətə çatdırıb.

“Əlbəttə ki, biz Türkiyə tərəfinin dəstəyinə ümid edirik", -  deyə dövlət başçısı vurğulayıb.