Ötən bir il ərzində 6 minə yaxın müraciət üzrə onlayn apelyasiya prosesi təşkil edilib.

DİM-dən Valyuta.az-a verilən məlumata görə, bu barədə qurum rəhbəri Məleykə Abbaszadə yazdığı məqaləsində bildirib.

M.Abbaszadə qeyd edib ki, DİM tərəfindən keçirilən hər bir imtahanın nəticəsi ilə bağlı Apellyasiya Komissiyası təşkil edilir. 

Onun sözlərinə görə, 2020-ci ildən başlayaraq Apellyasiya Komissiyasına ərizə qəbulu prosesi və apellyasiya prosesi onlayn (məsafədən) formatda həyata keçirilir.