Mərkəzi Bank qiymətli kağızlar bazarı üzrə əsas göstəriciləri açıqlayıb.  

Valyuta.Az xəbər verir ki, bu ilin fevral ayında qiymətli kağızların nominal üzrə dövriyyədəki həcm 2 milyard 964,8 milyon manata çatıb. Bu, ötən illər ərzində müşahidə edilən ən yüksək göstəricidir.  

2021-ci ilin yanvar ayında qiymətli kağızların dövriyyədəki həcmi 2 milyard 856,7 milyon manat təşkil edib. 

Fevralda dövriyyədəki qiymətli kağızların 65,6%-i dövlət istiqrazlarının payına düşüb. Yanvar ayı ilə müqayisədə bu göstərici 1,3% artaraq 1 milyard 944,8 milyon manata çatıb. 
Bazarın 34,4%-ni təşkil edən Mərkəzi Bankın notlarının həcmi isə dəyişməyib – 1 milyard 20 milyon manat.