Naxçıvan Muxtar Respublikasında rayonların sosial-iqtisadi inkişaf perspektivləri nəzərə alınmaqla, kənd təsərrüfatına əsaslanan istehsal sahələrinin yaradılacaq və ailə təsərrüfatlarının fəaliyyəti dəstəklənəcək.

Valyuta.az xəbər verir ki, bu barədə “2021-2025-ci illərdə Naxçıvan Muxtar Respublikasında kənd təsərrüfatı məhsullarının istehsalı, emalı və ixracının stimullaşdırılmasına dair Dövlət Proqramı”nın təsdiq edilməsi haqqında Sərəncamda öz əksini tapıb.

Proqramda həmçinin, ailə təsərrüfatlarının ixrac yönümlü məhsul istehsalına təşviq edilməsi də nəzərdə tutulub. 

Proqrama əsasən, qeyd edilən tədbirlər İqtisadiyyat və Kənd təsərrüfatı nazirlikləri, eləcə də yerli icra hakimiyyətləri tərəfindən icra ediləcək.

Qeyd edək ki, Muxtar Respublikada xidmət sahələri ilə ailə təsərrüfatları arasında əlaqələrin gücləndirilməsi də nəzərdə tutulub və bu işin icrası İqtisadiyyat Nazirliyi ilə yerli icra hakimiyyətlərinə tapşırılıb.

Rövşən Ziya