Cari ilin yanvar-fevral ayları ərzində yük və sərnişin daşımaları əvvəlki ilin müvafiq dövrü ilə müqayisədə müvafiq olaraq 11,1 faiz və 47,7 faiz azalıb.

Dövlət Statistika Komitəsindən Valyuta.az-a verilən məlumata görə, nəqliyyat sektorunda fəaliyyət göstərən təsərrüfat subyektləri tərəfindən 30,3 milyon ton yük daşınıb. 

Yüklərin 3,0 faizi dəniz, 8,5 faizi dəmir yolu, 0,3 faizi hava, 53,5 faizi avtomobil nəqliyyatı, 34,7 faizi isə boru kəməri ilə daşınıb.

Qeyri-dövlət sektoruna məxsus nəqliyyat vasitələri ilə daşınmış yüklərin həcmi 14,0 faiz azalıb, daşınmış yüklərin ümumi həcmində bu sektorun xüsusi çəkisi 75,5 faiz təşkil edib.

2021-ci ilin yanvar-fevral aylarında nəqliyyatçılar 162,3 milyon sərnişinə xidmət göstərilib. Sərnişinlərin 99,8 faizi avtomobil nəqliyyatı, qalan hissəsi isə digər nəqliyyat növləri ilə daşınıb.