Azərbaycanda fəaliyyət göstərən bankların tutumlardan sonrakı məcmu kapital üzrə renkinqi bəlli olub.

Valyuta.Az xəbər verir ki, ölkəmizdə fəaliyyətdə olan 26 bank arasında  ən yüksək məcmu kapital dövlət bankına məxsus olub. Belə ki, “Azərbaycan Beynəlxalq Bank”ı 2020-ci ilin son rübündə 1 milyard 112 milyon 195 min manatlıq məcmu kapitala sahib olub. Ən az kapital da ölkəmizin ikinci dövlət bankı olan “Azər Türk Bank”a məxsusdur. Sözügedən bank 2020-ci ilin son rübünü 50 milyon 38 min manatla başa vurub ki, bu da banklar haqqında qanun 3.2. maddəsindən 38 min manat çoxdur. Yəni, “Azər Türk Bank” qanunla nəzərdə tutulmuş 50 milyon manatlıq məcmu kapital normasını 38 min manatla üstələyib.