2020-ci ildə dünyada təxminən 54 min istifadəçi “stalker” proqramları ilə qarşılaşıb. 

Valyuta.az xəbər verir ki, bu barədə "Kaspersky" şirkəti məlumat verib. Bildirilib ki, “Stalker” proqramları sahibinin icazəsi olmadan cihazlarda istifadəsi bir çox olkələrdə qanun pozuntusu hesab edilən və və cinayət məsuliyyəti yaradan izləmə proqramlarıdır.

İstifadəçilərin bu tip proqramla ən çox qarşılaşdıqları ölkələr arasında birinci yerdə Rusiya dayanır. İkinci yerdə Braziliya, daha sonra isə ABŞ gəlir. İlk beşliyi Hindistan və Meksika tamamlayır.

“Pandemiya dövründə cihazında “stalker” proqramı tapılan istifadəçilərin sayı azalıb. İnsanlar evdə daha çox vaxt keçirməyə başlayıblar və izləmə vasitələrinin əhəmiyyəti bir qədər azalıb. Ancaq bu təhdidi gözdən kənara qoymaq olmaz. Dünya adəti rejiminə qayıdan kimi “stalker” proqramlarının yayılma sürəti yenidən arta bilər”- deyə "Kaspersky"-nin mobil təhdidlər üzrə tədqiqatçısı Viktor Çebışev bildirib. 

2020-ci ildə "Kaspersky" təcavüz və məişət zorakılığı qurbanlarına kömək edən qeyri-kommersiya təşkilatlarına kömək məqsədilə TinyCheck proqram həllini hazırlayıb. O, smartfona deyil, ayrıca bir cihaza - Raspberry Pi mikrokompüterinə quraşdırılır ki, bu da izlənmənin təşəbbüskarının yoxlanma haqqında məlumat almasına imkan verməmək üçün edilir. Bunu ayrıca cihazı Wi-Fi-yə qoşulmuş ruter ilə cihaz arasında vasitəçi rolunu oynayacaq şəkildə quraşdırmaq lazımdır. Ondan sonra TinyCheck göndərilən internet trafikini yoxlaya, onu real vaxt rejimində analiz edə və “stalker” proqramı hazırlayanlara nəzarət mərkəzlərinə qoşulmaları tanıya bilər. Trafikin təhlili təxminən 15 dəqiqə çəkir.