Son zamanlar vətəndaşlara qarşı onlayn ödənişlərlə bağlı dələduzluq faktları artmaqda davam edir. 

Valyuta.Az-ın verdiyi xəbərə görə, Xüsusi Rabitə və İnformasiya Təhlükəsizliyi Dövlət Xidməti -Kompüter İnsidentlərinə Qarşı Mübarizə Mərkəzi hələ ötən ilin dekabr ayında bununla bağlı vətəndaşlara xəbərdarlıq etmişdi.

O zaman daha çox xarici nömrələrdən istifadə edən dələduzlar artıq Azərbaycan nömrələrindən də istifadə etməyə başlayıblar.

Mərkəzdən verilən məlumata görə, bu hakerlər “Azərpoçt” MMC-nin adından suistifadə etməklə hədəflərinə "Whatsapp@ vasitəsi ilə yazır və onları aldadaraq bank kartlarından oğurluq edir.

“Vətəndaşların artıq Azərbaycan nömrələri ilə aldadılması daha öncə haqqında yazdığımız sosial mühəndislik kiberhücumlarının məntiqi davamıdır. Yerli nömrələrlə yazışmanı həyata keçirmək hədəfi daha asan inandırmağa hesablanıb.

Vətəndaşlara bir daha belə dələduzluq hallarına qarşı ehtiyatlı olmağı tövsiyə edir, media nümayəndələrinə isə maarifləndirmənin geniş kütləyə çatdırılması üçün köməklik göstərməsini xahiş edirik”, - deyə açıqlamada qeyd olunub.