Yeni bir araşdırma çərçivəsində GPT-4 süni intellekti ilə insanlar debat testlərinə cəlb olunub və hər iki tərəfdən qarşı tərəfi inandırmağa çalışmaları tələb edilib. 

Valyuta.az xəbər verir ki, müzakirə edilən məsələlər arasında "ABŞ fosil yanacaqları qadağan etməlidirmi?" sualı da olub.

GPT-4 debatların 64 faizindən çoxunu qazandı

GPT-4 qarşısındakı şəxs haqqında (yaşı, fikirləri və s.) müəyyən məlumatlara malikdirsə, o zaman debatların 64 faizindən çoxunu udmağı bacarıb. Əldə etdiyi məlumatlar əsasında qarşı tərəfə xüsusi arqumentlər təqdim edib və bu da onu xeyli inandırıcı edib. Belə fərdiləşdirilmiş debatlarda o, insanlara nisbətən 81 faiz daha uğurludur.

GPT-4 niyə daha uğurludur?

Məntiqi danışır: İnsanlar bəzən emosiyalarla danışırlar, lakin GPT-4 daha məntiqi və analitik dil istifadə edir ki, bu da inam yaradır.

Fərdi yanaşır: Qarşı tərəf haqqında məlumata malikdirsə, onu təsirləndirəcək şəkildə danışa bilir.

Heç vaxt yorulmur: Emosional reaksiyalar vermir, mövzudan yayınmır və başdan sona eyni ardıcıllıqla davam edir.

Daha qərəzsiz qəbul edilir: İnsanlar debatın qarşı tərəfində süni intellekt olduqda fikirlərini dəyişməyə daha açıq olurlar, çünki onu əvvəlcədən qərəzli olmayan biri kimi görürlər.

Lakin inandırıcılığı bu qədər yüksək olan süni intellektin müəyyən riskləri də var. Mütəxəssislər bu tip sistemlərin yanlış məlumat yaymaq, insanları manipulyasiya etmək və ya cəmiyyəti qütbləşdirmək üçün istifadə edilə biləcəyini bildirirlər. Məsələn, gələcəkdə süni intellekt mərkəzli təbliğatların milyonlarla insanı saxta nəzəriyyələrə inandıra biləcək qədər güclü ola biləcəyi deyilir.

Əsas nəticəyə gəldikdə isə GPT-4 debatlarda bizdən daha yaxşı və daha inandırıcı ola bilər, lakin biz hələ də emosiyalarımız və insaniliyimizlə öndəyik. 

Sərvanə Rəmixanova