Turizmin artması və ən populyar istiqamətlərdə qiymətlərin qalxması fonunda istirahətçilər getdikcə daha çox büdcəyə uyğun alternativlər axtarırlar. Lakin həmişə ucuz qiymət yaxşı keyfiyyət demək deyil.

Valyuta.az xəbər verir ki, Böyük Britaniyanın "Post Office" təşkilatının yeni araşdırması Avropanın 38 şəhərini araşdıraraq, keyfiyyətli və büdcəyə uyğun istirahət üçün ən yaxşı 10 şəhəri müəyyən edib.

Reytinq hazırlanarkən aşağıdakı əsas göstəricilər nəzərə alınıb:

* 2 nəfər üçün 3 ulduzlu oteldə 2 gecə qalışın qiyməti
* 2 nəfər üçün 3 yeməkdən ibarət şam yeməyi (ev şərabı ilə)
* Bir fincan qəhvə, pivə, Coca-Cola və ya Pepsi qiyməti
*Bir stəkan şərabın qiyməti
* Nəqliyyat xərcləri (aeroport transferi və 48 saatlıq şəhər kartı)
* Şəhər turu, əsas görməli yerlər, muzey və incəsənət qalereyalarına giriş haqqı

İlk 3 şəhər:

1. Riqa, Latviya - 300 avro (qiymətlər keçən ilə nisbətən 15% ucuzlaşıb)
2. Vilnüs, Litva - 302 avro (qiymətlər 7.5% artıb)
3. Varşava, Polşa - 329 avro (qiymətlər 13.2% aşağı düşüb, əsasən otel qiymətlərinin azalması hesabına)

Avropanın qiymət-keyfiyyət baxımından ən yaxşı 10 şəhəri:

1. Riqa, Latviya
2. Vilnüs, Litva
3. Varşava, Polşa
4. Podqoritsa, Çernoqoriya
5. Lissabon, Portuqaliya
6. Lil, Fransa
7. Qdansk, Polşa
8. Krakov, Polşa
9. Portu, Portuqaliya
10. Zaqreb, Xorvatiya

Qeyd edək ki, ilk 10 şəhərdən 7-si Şərqi Avropada yerləşir. Bu da göstərir ki, bu region qiymət-keyfiyyət balansı baxımından istirahətçilər üçün ən uyğun seçimlərdən biridir.

Paşa Məmmədli