Vəfa Musayeva Everestə qalxan ilk azərbaycanlı qadın oldu

Valyuta.az xəbər verir ki, Vəfa Musayeva dünyanın ən yüksək nöqtəsi hesab olunan, 8848 metr yüksəklikdə yerləşən Everest dağının zirvəsinə 2025-ci il mayın 15-də çatıb. Bununla da o, Everestə qalxan 3-cü azərbaycanlı alpinist olub.

Xatırladaq ki, Everest zirvəsinə ilk dəfə 2007-ci ildə İsrafil Aşurlı, daha sonra isə 2019-cu ildə Vadim Vokryaçko qalxıb. Həmçinin, azərbaycanəsilli olan Murad Aşurlı 2013-cü ildə bu uğura nail olsa da, o, həmin vaxt Rusiya və ABŞ vətəndaşı kimi ekspedisiyada iştirak edib.

Qeyd edək ki, Everest zirvəsinə qalxan ilk azərbaycanəsilli qadın isə Elmira Aslanova olub – o, 2023-cü ildə Ukrayna vətəndaşı kimi bu nailiyyəti qazanmışdı.

Dünyanın ən yüksək nöqtəsi olan Everest zirvəsinə isə ilk dəfə 1953-cü ildə nepallı Tentsinq Norqey və yeni zelandiyalı Edmund Hillari qalxıb.