“Samsung” “Galaxy S25 Edge” ilə “Apple”ı qabaqlayıb.

Valyuta.az xəbər verir ki, "Samsung" ultranazik "Galaxy S25 Edge" modelini təqdim edərək “Apple”ın yaxın aylarda gözlənilən "iPhone Air" modelindən əvvəl hərəkətə keçib.

Məlumata görə, yeni cihaz mayın 30-da 1,099 dollar qiymətə satışa çıxacaq.

6.7 düymlük AMOLED ekranlı telefonun qalınlığı cəmi 5.8 mm-dir və bu göstərici ilə həm "iPhone", həm də digər "Samsung" modellərindən nazikdir. Cihazda Snapdragon 8 Elite prosessoru, 12 GB RAM və 256/512 GB yaddaş variantları mövcuddur.

Arxa kameralar 200 MP əsas və 12 MP ultra-geniş bucaqlı obyektivdən ibarətdir. Süni intellektlə təkmilləşdirilmiş kamera 10x rəqəmsal yaxınlaşdırma və makro çəkilişləri dəstəkləyir.

162 qram çəkisi ilə “S25 Edge” həmçinin "Galaxy AI" və "Gemini Live" kimi süni intellekt funksiyalarını dəstəkləyir. Qurğu "Android 15" ilə işləyir və uzun batareya ömrünə malikdir.

Sərvanə Rəmixanova