21 may “Bakı Hərrac Mərkəzi”ndə Əmanətlərin Sığortalanması Fondu tərəfindən ləğv prosesində olan daha 2 bankın balansında olan daşınmaz əmlakların açıq hərracı keçiriləcək.

Valyuta.az xəbər verir ki, bu barədə bankların ləğvedicisi - Əmanətlərin Sığortalanması Fondu məlumat yayıb.

Hərraca çıxarılan əmlakların ikisi "Atabank"” ASC-yə məxsusdur. Bakı şəhəri, Xətai rayonunda yerləşən iki qeyri-yaşayış sahəsi 542 min manat ilkin qiymətlə satışa çıxarılıb. Bunlar 270.9 kv.m sahəsi olan, Babək prospekti, 12A, (blok B) ünvanında, 15-ci və 16-cı mərtəbədə yerləşən qeyri-yaşayış sahələridir.

“Texnikabank” ASC-yə məxsusqeyri-yaşayış sahələri də eyni ünvanda - Babək prospekti, 12A, C blokda yerləşir. 3-cü mərtəbədə yerləşən 251.8 kv.m-lik qeyri-yaşayış 525 min manat, 4-cü mətəbədə yerləşən qeyri-yaşayış isə 505 min manat ilkin qiymətlə hərraca təqdim olunacaq.

Maya Hüseynova