Ağdam rayonuna məcburi köçkünlərin köçürülməsi prosesi davam edir. Bu məqsədlə "Qaçqınların və Məcburi Köçkünlərin İşləri üzrə Dövlət Komitəsi" (Qaçqınkom) tərəfindən keçirilən tender müsabiqəsinin nəticələri açıqlanıb.

Valyuta.az xəbər verir ki, müsabiqənin qalibi "166 Global Logistics" MMC olub.

Müqaviləyə əsasən, şirkət Ağdamın Xıdırlı kəndinə 719, Ağdam şəhərinə isə 1268 məcburi köçkün ailəsinin köçürülməsini həyata keçirəcək. Ümumilikdə 1987 ailənin köçü nəzərdə tutulur.

Bu layihə üçün "Qaçqınkom" tərəfindən ayrılan vəsaitin həcmi 1 milyon 630 min 223 manat 10 qəpik təşkil edir. Bu da hər ailənin köçürülməsi üçün orta hesabla 820 manatlıq xərc deməkdir.

Maya Hüseynova