"PepsiCo" birinci rübdə 1,83 milyard dollar xalis mənfəət əldə edib.

Valyuta.az açıqlanan maliyyə sənədinə əsasən xəbər verir ki, bu hər səhm üçün 1,33 dollar təşkil edir.

Ötən ilin eyni dövründə bu göstəricilər müvafiq olaraq 2,04 milyard dollar idi. Hər səhmə düşən qazanc isə 1,48 dollar olub.

Şirkətin ümumi gəliri 1,8% azalaraq 17,92 milyard dollara düşüb. 

Şirkətin baş direktoru Ramon Laguarta bildirib ki, qlobal ticarətdə artan dəyişkənlik tədarük xərclərini artırır. Eyni zamanda bir çox bazarda istehlakçı tələbatı zəifləyib və bu tendensiyanın gələcək görünüşü də qeyri-müəyyəndir.

Maya Hüseynova