Bakı Metropoliteni yeni texniki avadanlıqlar üçün satınalma prosesinə start verib.

Valyuta.az xəbər verir ki, Bakı Metropoliteni QSC transformator avadanlıqlarının alınması ilə bağlı yeni satınalma proseduruna başlayıb.

Məlumata görə, bu məqsədlə ayrılmış büdcə 1 milyon 70 min 543 manat təşkil edir. 
Cari ilin aprel ayında “Bakı Metropoliteni” QSC ümumilikdə dörd satınalma prosesi elan edib və onların hər biri hazırda qüvvədədir. Elan olunan bu satınalma layihələri may ayında sonlanacaq. Sözügedən layihələrin ümumi maliyyə dəyəri 1 milyon 893 min 415 manat olaraq açıqlanıb.

Qeyd edək ki, hal-hazırda qurumun rəhbəri Vüsal Yusif oğlu Aslanovdur. Cəmiyyətin nizamnamə kapitalı isə 2 milyard 580 milyon 638 min 397 manat səviyyəsindədir. Metropoliteni İdarəsi 1966-cı il tarixində təsis olunub.

Sərvanə Rəmixanova