Lökbatanda göl mənzərəli evlər gözəllikdən çox təhlükəlidir. Burda yaşayan sakinlər bildirirlər ki, yağan son yağışlardan son ətrafdakı evlərə ziyan dəyib. Onlar bildirirlər ki, göl daşanda su ətrafa yayılıb. Burada olan bəzi evlər çatlayıb, bəziləri dağılıb yararsız hala düşüb. 

Valyuta.az xəbər verir ki, məsələ ilə bağlı Milli.Az-a Lökbatan qəsəbə icra nümayəndəsi Samir Ağayev bildirib ki, əvvəllər gölün həcmi bu qədər deyildi. Bu yağıntının çox olması ilə bağlıdır. Subasmanın aradan qalxması ilə bağlı tədbirlər görülüb. 

Bəs bu evlərin tikilməsinə icazəni hansı qurum verib?

O qeyd edib ki, evlər 90-cı illərin sonuna yaxın tikilib. Hazırda orda yeni tikilən heç bir ev yoxdur.

Qeyd edək ki, su ehtiyatları agentliyinin əməkdaşları da problemin aradan qaldırılmasında işlərə cəlb edilib.