2025-ci ilin yanvar-mart aylarında Azərbaycana 30 milyon 566,79 min ABŞ dolları dəyərində mebel və onun hissələri idxal olunub.

"Valyuta.az" statistik mənbələrə istinadla xəbər verir ki, bu göstərici ötən ilin eyni dövrü ilə müqayisədə 1 milyon 55,2 min ABŞ dolları artım nümayiş etdirib. Belə ki, 2024-cü ilin ilk üç ayında ölkəmizə 29 milyon 511,59 min ABŞ dolları dəyərində mebel və onun hissələri idxal edilib. Statistik göstəricilər əsasında bu mal qrupu üzrə idxalda 3,5% artım qeydə alınıb.

Lakin mebel və onun hissələrinin ümumi idxaldakı faiz payında azalma müşahidə olunub. 2025-ci ilin ilk üç ayında bu kateqoriyanın idxal strukturundakı payı 0,54% təşkil edib. Halbuki 2024-cü ilin eyni dövründə bu göstərici 0,80% olub. Beləliklə, cari ildə mebel və hissələrinin idxalda payı 0,26 faiz azalıb.