BAKU Azərbaycan
16.83°C
  • USD
    1.7
  • EUR
    1.9044
  • RUB
    2.125
  • TRY
    0.0438
  • GBP
    2.264
68967

Ötən həftənin sonu Müqəddəs Cümə günü ilə əlaqədar olaraq beynəlxalq birjalarda volatillik aşağı olmuşdur, əmtəə və fond birjaları isə ticarətə bağlı idi. Cari həftə isə dolların major valyutalar qarşısında ucuzlaşması ilə başladı. EURUSD valyuta cütlüyü 1.13860 səviyyəsindən 1.15340 səviyyəsinə qədər artım sərgiləyib. Bu, 2021-ci ilin noyabr ayından bəri ən yüksək göstəricidir. Eyni dövr ərzində GBPUSD cütlüyü 1.32690 həddindən 1.33950 həddinə qədər bahalaşıb, USDJPY cütlüyü isə 142.100 səviyyəsindən 140.620 səviyyəsinə qədər ucuzlaşıb. Eyni zamanda, dollar indeksi (ABŞ-ın altı əsas ticarət tərəfdaşı ölkəsinin valyutalarına qarşı dolların məzənnəsi) 1.11% zəifləyərək 98.28 bəndədək enib və 5 aprel 2022-ci il tarixindən bəri ən aşağı səviyyəyə çatıb.

Bazar iştirakçıları cümə günü ABŞ Milli İqtisadi Şurasının direktoru Kevin Hasset tərəfindən verilən bəyanata diqqət yetiriblər. Həmin bəyanatda bildirilib ki, prezident Donald Tramp və onun komandası ABŞ Federal Ehtiyatlar Sisteminin rəhbəri Cerom Pauellin vəzifədən uzaqlaşdırılması imkanını araşdırmaqda davam edir. Tramp daha əvvəl Pauellin əsas faiz dərəcəsini "artıq çoxdan" endirməli olduğunu və onun vəzifəsini tərk etməli olduğunu bildirib. FED rəhbəri isə daha əvvəl Çikaqo İqtisadiyyat Klubunda keçirilən tədbirdə çıxışı zamanı bildirmişdi ki, Tramp administrasiyası tərəfindən tətbiq olunan tariflər gözləniləndən daha yüksək olub və bunun nəticəsində ölkədə inflyasiyanın artması və iqtisadi artımın zəifləməsi baş verə bilər.

Qızıl tarixi rekor həddini yeniləyib. Dəyərli metal bugün səhər saatlarında 3387$-a qədər bahalaşıb. Neftin qiyməti isə ABŞ və İran arasında aparılan danışıqlarda əldə olunan irəliləyişlər fonunda bir qədər ucuzlaşıb. “Brent” markalı neftin bir bareli ötən həftə 67.40$-a ticarət olunurdu, lakin, hazırda artıq 66.20$ səviyyəsində qərarlaşıb. İranın xarici işlər naziri Abbas Əraqçi şənbə günü bildirib ki, Tehran və Vaşinqton İranın nüvə proqramı üzrə ekspert səviyyəsində təmasların aparılması barədə razılığa gəliblər. 

Ötən həftə Avropa Mərkəzi Bankı faiz dərəcəsini, proqnoz olunduğu kimi, 2.65%-dən 2.40%-ə qədər endirdi, Avrozonada inflyasiya isə illik ifadədə 2.3%-dən 2.2%-ə qədər gerilədi. Həmçinin, ABŞ-da Pərakəndə Satış Dövriyyəsinin Həcmi mart ayında 0.5% artıb. 

Cari həftə ABŞ-da dərc olunacaq Xidmət Sektorunda Biznes Aktivliyi İndeksi, Sənaye Sktorunda Biznes Aktivliyi İndeksi və Yeni Məznil Satışlarının Həcmi göstəriciləri investorların diqqət mərkəzində olacaq əsas xəbərlərdir. Həmçinin, Böyük Britaniyada və Kanadada açıqlanacaq Pərakəndə Satış Dövriyyəsinin Həcmi göstəriciləri, eləcə də, Almaniyada və Avrozonada dərc olunacaq Biznes Aktivliyi İndeksləri bazar iştirakçılarının marağına səbəb olacaq.

EUR

ABŞ prezidenti Donald Trampın tətbiq etdiyi gömrük tariflərinin təsiri dollar avro qarşısında təzyiq altında saxlamaqda davam edir. Ötən həftəni “Müqəddəs Cümə” günü ilə əlaqədar üfüqi tendensiyada bitirən valyuta cütlüyü, cari həftənin artımla başlayıb. 

Bugün səhər saatlarında 1.13860 səviyyəsindən bahalaşmağa başlayan məzənnə 1.15340 səviyyəsinə qədər yüksəlib. Əgər “buğalar” qiyməti 1.15$ həddinin üzərində qoruyub saxlaya bilsələr, artım tendensiyası davam edə bilər. 

Qeyd etmək lazımdır ki, cari həftə dərc olunacaq Xidmət Sektorunda Biznes Aktivliyi İndeksi, Sənaye Sektorunda Biznes Aktivliyi İndeksi və Ticarət Saldosu göstəriciləri avronun valyuta birjalarında qiymətlərinə yön verə bilər.

GBP

Ötən həftənin sonu 1.32990 həddinə kimi bahalaşan GBPUSD valyuta cütlüyü, cari həftəni 1.32690 səviyyəsində başlayıb və 1.33970 həddinə qədər bahalaşıb. “Buğalar”-ın qiyməti 1.335$ həddinin üzərində qoruyub saxlayacağı təqdirdə, funt-sterlinqdə artım tendensiyası daha kəskin xarakter ala bilər.

Bu həftə İngiltərədə açıqlanacaq Xidmət Sektorunda Biznes Aktivliyi İndeksi və pərakəndə satışların həcmi göstəriciləri funtun qiymətlərinə ciddi təsri edə bilər.

XAUUSD

Beynəlxalq birjalarda ticarət müharibəsi ilə bağlı artan narahatlıqlar fonunda investorların “güvənli liman” maliyyə aktivi olan qızıla marağı daha da artıb. Dəyərli metalın qiyməti bir unsiya üçün 3387$-a qədər yüksələrək bütün dövlərin rekord həddini yenilədi.

“İNVEST-AZ İnvestisiya Şirkəti” QSC-nin

Tədris və Analiz Departamenti

“İNVEST-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikasının Mərkəzi Bankı tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Risk bildirişi.

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İNVEST-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.

Son xəbərlər

Yunanıstan hökuməti "Adidas"ın dron şousuna görə məhkəməyə müraciət edib - VİDEO

Bazar günü narahatlığı nədir və necə xilas ola bilərik? - SƏHƏR OXUSU

2 milyon manata bağça satılır

Bu ölkə Azərbaycana 15 manatdan mixək satıb

Azərbaycanda taksi istifadəçilərinin sayı bir az da azaldı

Qara dənizdə sərvət tapıldı - Ərdoğan elan etdi

Bakıda 4 aya 400 maşın satan çinli qız

Bakıda 4 aya 400 maşın satan çinli qız

Türkiyənin tanınmış geoloqu Celal Şengörün həbsi istənilir

Sahibkarlar üçün nə edilməlidir? Onlayn alış-veriş onların gününü qaraldıb

Elçin Quliyev generalı vəzifəsindən azad etdi - YENİ TƏYİNAT

TƏBİB-dən stomatoloqlarla bağlı qəribə tələb: "Otağı təmir et, hər ay 1200 manat icarə haqqı ödə!"

Mayın 20-də Bakıda “International HR Summit 2025” keçiriləcək

Ədalət Partiyasına yeni SƏDR SEÇİLDİ

Yüksəlişin finalçısı "Ziraat Bank"da rəhbər vəzifəyə təyin olundu

Yüksəlişin finalçısı "Ziraat Bank"da rəhbər vəzifəyə təyin olundu

Mübahisəli cərimələr zamanı - Nə etməli?

Sabiq məhkəmə sədrinə 4615 manat pensiya hesablandı- Narazı qaldı

TEMU-ya xəbərdarlıq edildi

ABŞ-da təhsil alan azərbaycanlı tələbələrin sayı artıb

ABŞ-da təhsil alan azərbaycanlı tələbələrin sayı artıb

"Son zəng"lə bağlı məktəblərə təlimat GÖNDƏRİLİB

Restorandakı nahar onlara 100 min dollar qazandırdı

Dövlət qulluqçularının reyestri aparılacaq

3 trilyon dollarlıq səfər - ABŞ böyük qazanc əldə etdi

Bazar gününün hava proqnozu

“Bununla heç bir alim ailə dolandıra bilməz” - Maaşını açıqladı

“Bununla heç bir alim ailə dolandıra bilməz” - Maaşını açıqladı

Vəfa Musayeva Everesti fəth edən ilk azərbaycanlı qadın oldu

Bank kartlarından 20 min manatlıq oğurlandı

Mərkəzi Bank 205 minə xidməti avtomobil alır

Formula-1-in ən çox qazanan pilotu BƏLLİ OLDU

Papa XIV Leonun uşaqlığının keçdiyi ev hərraca çıxarılıb

Bütün xəbərlər

Xəbərin mətnində orfoqrafik səhv var

Qeydinizi daxil edin