Dubayda fəaliyyət göstərən "FIX" adlı butik şokolad istehsalçısının püstəli batonları (püstə pastası və kataifi xəmiri ilə doldurulmuş şokolad) "TikTok"da yayılan video ilə dünya miqyasında məşhurlaşıb.

Valyuta.az xəbər verir ki, bu isə qlobal püstə tədarükündə çətinlik yaradıb və qiymətləri xeyli artırıb. "FIX"in püstə kremli batonları bu qədər populyarlaşandan sonra bəzi ölkələrdə hər müştəriyə məhdud sayda satış tətbiq olunub.

Birləşmiş Krallıqda "Lindt"in püstəli batonları adi şokoladlardan iki dəfə baha satılır. İstehsalçılar tələbə cavab verə bilmir, çünki həm püstə, həm də tərkibindəki digər ərzaqlar - məsələn, kataifi - çatışmır.

ABŞ və İran əsas püstə ixracatçılarıdır. İran son altı ayda BƏƏ-yə püstə ixracını 40% artırıb. ABŞ-da isə zəif məhsul ili və yüksək tələb səbəbilə püstə ehtiyatları azalıb. Eyni zamanda, kakao çatışmazlığı da şokolad sənayesində problemlər yaradıb.

"FIX" məhsullarını yalnız BƏƏ-də və gündə cəmi iki saatlıq zaman ərzində satışa çıxarır. Uğurun təsiri ilə digər brendlər də oxşar məhsullar təqdim etməyə başlayıb.