Bu ilin yanvar-mart aylarında  Azərbaycandan xaricə 6 011 561.25 ton miqdarında bitumlu süxurlardan alınmış xam neft və xam neft məhsulları ixrac edilib.

Valyuta.az rəsmi məlumatlara istinadən xəbər verir ki, bu miqdarda ixracdan əldə olunan vəsaitin həcmi 3 mlrd.336 mln.653.50 min ABŞ dolları təşkil edib.

Bu əvvəlki illə müqayisədə 4.4 % və ya 153 mln. 494.44 min dollar daha azdı. 2024-cü ilin ilk üç ayında bu rəqəm 3 mlrd.490 mln.147.94 min ABŞ dolları olub.

İxracda birinci yeri İtaliya tutub. Belə ki, ötən il İtaliyaya 3 milyon 55 min 572 ton miqdarında, 1 milyard 702 mln 838 min ABŞ dolları dəyərində bitumlu süxurlardan alınmış xam neft və xam neft məhsulları ixrac edilib.

Bu ilin ilk rübündə Azərbaycandan ixrac edilən bitumlu süxurlardan alınmış xam neft və xam neft məhsullarını miqdarı ilə aşağıdakı cədvəldən tanış ola bilərsiniz: