“Football Meets Data” platforması 2024/25 mövsümündə UEFA Çempionlar Liqasında indiyədək ən çox gəlir əldə edən klubların adlarını açıqlayıb.

Valyuta.az “Qafqazinfo”ya istinadən xəbər verir ki, siyahının ilk pilləsində Fransanın PSJ klubu qərarlaşıb. Paris təmsilçisi turnirdə 119,4 milyon avro mükafat qazanaraq rəqiblərini geridə qoyub.

İkinci yerdə İtaliyanın “İnter” klubu yer alıb – 118,1 milyon avro. Üçüncü pillədə isə İngiltərənin “Arsenal” komandası qərarlaşıb – 117 milyon avro.

Cari mövsüm üzrə Çempionlar Liqasında ən çox qazanc əldə edən 10 klubun siyahısı belədir:

PSJ – 119,4 milyon avro

İnter – 118,1 milyon avro

Arsenal – 117 milyon avro

Barselona – 116,6 milyon avro

Bavariya – 105,9 milyon avro

Borussiya Dortmund – 102,2 milyon avro

Real Madrid – 101,8 milyon avro

Liverpul – 98,1 milyon avro

Bayer Leverkuzen – 87,1 milyon avro

Atletiko Madrid – 84,9 milyon avro

Qeyd edək ki, hazırda turnirin yarımfinal mərhələsinə vəsiqə qazanan PSJ növbəti qarşılaşmada “Arsenal”la üz-üzə gələcək.