"Avrora 2022" MMC ləğv prosesinə başlayıb.

Valyuta.az xəbər verir ki, şirkətin vergi orqanlarına 101 min 411 manat borcu mövcuddur.

Qeyd edək ki, şirkət 2022-ci ildə dövlət qeydiyyatına alınıb. Hazırda onun qanuni təmsilçisi Əbülfət Əliyevdir. Şirkətin nizamnamə kapitalı cəmi 5 manat təşkil edir.

Maraqlıdır ki, şirkətin vergi borcu hələ qeydiyyata alındığı dövrdən yaranıb. Belə ki, ilk qanuni təmsilçi Ağalar Məmmədovun rəhbərliyi dövründə müəssisənin 165 min 975 manat vergi borcu olub. Bu da onu göstərir ki, şirkət 2022-ci ildən bəri vergi borcunu ödəyə bilməyib və zamanla borc miqdarı azalsa da, tamamilə ləğv edilməyib.