Bu ilin yanvar-mart aylarında Azərbaycanda 1 640 ədəd stolüstü kompüter istehsal edilib.

Valyuta.az Dövlət Statistika Komitəsinə istinadən xəbər verir ki, bu, ötən ilin müvafiq dövrü ilə müqayisədə 1 182 ədəd və ya 3,58 dəfə çoxdur. Ötən ilin eyni dövründə 458 ədəd stolüstü kompüter istehsal edilib.

Hesabat dövründə istehsal olunan noutbukların sayı 1 402 ədəd olub ki, bu da illik müqayisədə 601 ədəd, yaxud da 75,03% çoxdur. Ötən ilin eyni dövründə 801 ədəd noutbuk istehsal edilib. 

Ümumilikdə isə kompüter, elektron və optik məhsulların, elektrik avadanlıqlarının istehsalı sahələrində bu ilin yanvar-mart aylarında 50,9 milyon manatlıq məhsul istehsal olunub. Bu keçən ilin eyni dövünə nisbətən 66,84% azdır. Keçən il bu rəqəm 153,5 milyon manat olub.