İqtisadiyyat Nazirliyi yanında Əmlak Məsələləri Dövlət Xidməti tərəfindən müsadirə edilmiş əmlakların növbəti hərracı mayın 14-də keçiriləcək.

Valyuta.az xəbər verir ki, Bakı şəhəri, Nizami rayonunda yerləşən 154,9 kv.m-lik mənzil ilkin olaraq 191 min 250 manat qiymətlə satışa çıxarılacaq. Qeyd edək ki, bu mənzil artıq dördüncü dəfə, 25%-lik endirimlə təkrar hərraca çıxarılır.

Goranboy rayonunda yerləşən torpaq sahələri isə 3 min 750 manatdan başlayan qiymətlə, beş dəfədən çox təkrar satışla və 50%-ə qədər endirimlə təklif olunur.

Hərracda həmçinin iki ədəd "Samsung Galaxy A3" (SM A320F) markalı mobil telefon da yer alacaq. Bu cihazlar da 50% endirimlə, cəmi 120 manat ilkin qiymətlə satışa çıxarılır.

Hərraca çıxarılan əmlakların ımlakların siyahısı ilə linkə keçid edərək tanış ola bilərsiniz:

Maya Hüseynova