2025-ci ilin yanvar-mart aylarında Azərbaycan 172,64 ton çay ixrac edib.

Valyuta.az-ın məlumatına görə, bu dövrdə ölkə çay satışından 1 milyon 527 min 770 ABŞ dolları məbləğində gəlir əldə edib.

Ötən ilin eyni dövrü ilə müqayisədə ixrac göstəricilərində artım müşahidə olunub. 2024-cü ilin ilk üç ayında Azərbaycan 156,37 ton çay ixrac etmişdi. Beləliklə, cari ildə çay ixracı 10,4 faiz və ya 16,27 ton artıb.

Gəlir baxımından da müsbət dinamika qeydə alınıb. 2024-cü ilin ilk rübündə çay ixracından 1 milyon 457 min 170 ABŞ dolları gəlir əldə olunmuşdu. Bu isə 2025-ci ildə 70 min 600 ABŞ dolları və ya 4,8 faiz daha çox gəlir əldə edildiyini göstərir.

Qeyd edək ki, çay ixracı Azərbaycanın qeyri-neft sektoru üzrə əsas məhsulları sırasında yer almağa davam edir.

Sərvanə Rəmixanva