2025-ci ilin yanvar-mart ayları üçün ölkə əhalisinin nominal gəlirləri artaraq, 20 milyard 690 milyon manat təşkil edib.

Valyuta.az statistik mənbələrə istinadən xəbər verir ki, yanvar-mart aylarında ölkə əhalisinin nominal gəlirləri əvvəlki ilin eyni dövrü ilə müqayisədə 6,6 faiz artım göstərib.

Qeyd olunan göstərici  ötən ilin eyni dövrü ilə müqayisədə 19 milyard 408 milyon təşkil edib. Bu da illlik müqayisədə 1 milyard 282 milyon artım deməkdir. 

İlkin məlumatlara görə, yanvar-mart aylarında hər nəfərə orta hesabla 2022,6 manat gəlir düşüb. Bu statistika illik hesabatda 6,15% və ya 117,2 manat artımın olduğunu deməyə əsas verir.

Əhalinin sərəncamında qalan gəlirləri isə 18 milyard 85 milyon manat olub. Ötən ilin yanvar-mart aylarında əhalinin sərəncamında qalan gəlirləri 17 milyard 87 milyon manat təşkil edib. Müqayisə üçün demək olar ki, bu göstərici də ötən ilin eyni dövrü ilə müqayisədə 6% və ya 998,4 milyon manat artım olduğunu göstərir.

Sərvanə Rəmixanova