“VTB Bank” (Azərbaycan) 2025-ci ilin ilk rübünün nəticələrini açıqlayıb. 

Valyuta.az xəbər verir ki, bank ilin birinci rübünü 3 milyon 306 min manat xalis mənfəətlə başa vurub. Bu rəqəm ötən ilin eyni dövrünə nisbətən 50,14% çoxdur. 

Hesabat dövründə bankın faiz gəlirləri 2 milyon 818 min manat və ya 39,3 % artaraq 9 milyon 996 min manat olub. Əsas artım müştərilərə verilmiş kreditlər üzrə faiz gəlirlərində (7,653 mln. manat) müşahidə edilib. 

İlk rübdə “VTB Bank”ın faiz xərcləri ötən ilin eyni dövrünə nisbətən 11,6 % artaraq 1,979 milyon manatdan (I rüb 2024) 2,209 milyon manata yüksəlib. 

Bu ciddi artım əsasən depozitlər üzrə faizlər (1,753 mln. manat), Mərkəzi Bank və Dövlət Fondları qarşısında öhdəliklər üzrə faiz xərcləri (437 min manat) ilə bağlıdır.

Nəticədə bankın xalis faiz gəliri 57,5% artaraq 7,549 milyon manata çatıb.  

Bankın qeyri-faiz gəlirləri komissiya gəlirləri, xarici valyutadan gəlir və digər gəlirlər hesabına 1 milyon 110 min manat artaraq bu ilin ilk rübündə 3,811 milyon manata çatıb. Qeyri-faiz xərcləri isə 6,773 milyon manatdan 8,863 milyon manata yüksəlib. 

Ümumilikdə, bankın mənfəət vergisindən əvvəlki mənfəəti 3.306 milyon manat olub ki, bu da ötən ilin eyni dövrünə nisbətən 50,14% artım deməkdir. 2024-cü ilin ilk rübündə bu rəqəm 2,202 milyon manat təşkil edib. 

Son üç ayda “VTB Bank”ın cəmi aktivləri 43,2% və ya 105,142 milyon manat artaraq 348,541 milyon manata, cəmi öhdəlikləri isə 62,5% artaraq 243,826 milyon manata olub. Cəmi kapitalı isə 12,17% artaraq 104,715 milyon manata bərabər olub.

Qeyd edək ki, Rusiyanın “VTB Bank”ının Azərbaycandakı filialı 1993-cü ildə dövlət qeydiyyatına alınıb. Müşahidə Şurasının sədri Bortnikov Denis Aleksandroviçdir.