Mərkəzi Bank növbəti dəfə “Epul.az”da (“Paysis” MMC) pozuntular aşkarlayıb. 

Valyuta.az bu barədə AMB-yə istinadən xəbər verir.  Məlumata görə, AMB tərəfindən həyata keçirilən cari nəzarət prosesləri çərçivəsində “Paysis” MMC-də aparılan ödəniş əməliyyatlarının təhlükəsizliyinin təmin olunması və təşkilatın fəaliyyətinin qanunvericiliyin tələblərinə uyğun təşkil olunması yoxlanılıb.

Məlum olub ki, ödəniş şirkəti tərəfindən ödəniş sahəsində aidiyyəti qanunvericilik və normativ aktların tələbləri  pozulub. “Mərkəzi Bank haqqında”  qanunun 48.2.4-cü və “Ödəniş xidmətləri və ödəniş sistemləri haqqında” qanunun 63.1-ci maddələrinə əsasən “Paysis” MMC-yə münasibətdə təshih tədbirləri tətbiq edilib.

Qeyd edək ki, ötən ilin dekabr ayında yol verilən pozuntularla bağlı “Paysis”in vəzifəli şəxsi min manat cərimə edilmişdi.