"Unicapital İnvestisiya Şirkəti" ASC 2024-cü ilin yekunlarına həsr olunan illik ümumi yığıncağın keçiriləcəyini elan edib.

Valyuta.az xəbər verir ki, yığıncaq 23 may 2025-ci il tarixində, saat 15:00-da Bakı şəhəri, Rəşid Behbudov küçəsi 55 ünvanında yerləşən “Unibank”ın Baş ofisində baş tutacaq.

Tədbirdə aşağıdakı məsələlərin müzakirəsi planlaşdırılır:

1.Şirkətin 2024-cü il üzrə investisiya qiymətli kağızlarının emitenti kimi illik hesabatının təsdiqi;

2.Kənar auditor tərəfindən yoxlanılmış maliyyə hesabatlarının və auditor rəyini əks etdirən sənədlərin təsdiqi;

3.Cəmiyyətin fəaliyyəti ilə bağlı digər məsələlərin müzakirəsi.

Yığıncağın gündəliyində nəzərdə tutulan mövzularla tanış olmaq istəyən səhmdarlar üçün məsul şəxs kimi şirkətin əməkdaşı Fidan Əkbərli müəyyən edilib.

Maya Hüseynova