“Saloğlu” Fərdi Firması barəsində gömrük qaydaları əleyhinə olan ( Gömrük təminatının pozulması) inzibati xəta protokolu tərtib olunub.

Valyuta.az-ın məlumatına görə, protokol İnzibati Xətalar Məcəlləsinin 492.1-ci maddəsi ilə irəli sürülüb.

İnzibati Xətalar Məcəlləsinin 492.1-ci maddəsinə görə  gömrük təminatının, yəni mallara və ya nəqliyyat vasitələrinə müvafiq icra hakimiyyəti orqanının tətbiq etdiyi plomb, möhür və digər eyniləşdirmə vasitələrinin həmin orqanın icazəsi olmadan dəyişdirilməsinə, qəsdən məhv edilməsinə, qırılmasına, zədələnməsinə və ya itirilməsinə görə fiziki şəxslər 400 manat məbləğində, vəzifəli şəxslər 600 manat məbləğində, hüquqi şəxslər 1000 manat məbləğində cərimə edilir.

Aparılan araşdırma zamanı “Saloğlu” Fərdi Firmasına Tovuz Gömrük İdarəsinə gələn “elastik poliuretandan məsaməli süngərlər” yükü gətirilib. Gömrük orqanı tərəfindən gömrük bəyannəməsinin rəsmiləşdirilməsi başa çatmadan “Saloğlu Fərdi” firmasının səlahiyyətli nümayəndəsi gömrük əməkdaşının iştirakı olmadan nəqliyyat vasitəsinin gömrük təminatı vasitəsi olan plombu gömrük orqanının müvafiq razılığı olmadan qoparmış və nəqliyyat vasitəsindəki yükləri müəssisənin anbarına boşaldıb. 

“Saloğlu” Fərdi Firması barəsində məhkəmənin qərarı ilə, 1000 manat məbləğində cərimə tənbehi tətbiq edilib.

Sabiq