2025-ci ilin yanvar ayında Azərbaycana 2,91 ton çiyələk idxal olunub.

Valyuta.az statistik məlumatlara əsasən xəbər verir ki, idxal 12 min ABŞ dolları təşkil edib.

Məlumata görə, çiyələk idxalında İran İR-si, Misir, Türkiyənin payı olub. Belə ki, İran İR-dən 0,34 min ABŞ dolları dəyərində 130 kq çiyələk gətirilib. Hesablamalara əsasən bu nəticəyə gəlmək olar ki, bu ölkədən gətirilən 1 kq çiyələyin qiyməti 2,62 dollar və ya 4 manat 45 qəpik təşkil edib. 

Azərbaycana çiyələk idxalını həyata keçirən Misirdən bu ilin yanvar ayında 2020 kq məhsul gətirilib. İdxal 9,96 min ABŞ dolları hesabına başa gəlib. Nəticə etibarı ilə bu ölkədən çiyələyin 1 kq-ni 4,93 dollara və yaxud 8 manat 38 qəpiyə alırıq.

Bir digər ölkə, Türkiyədən 1,89 min ABŞ dolları dəyərində 760 kq çiyələk almışıq. Hesablamalara əsasən belə qənaətə gəlmək olar ki, biz Türkiyədən çiyələyin 1-kq-ni 2,49 dollara və yaxud 4 manat 23 qəpiyə almışıq.

Məlumatda qeyd edilir ki, Azərbaycan çiyələk idxalı ilə yanaşı ixrac prosesini də həyata keçirib. Belə ki, Azərbaycan Rusiyaya 1,96 min ABŞ dolları dəyərində 2 ton çiyələk ixrac edib. Hesablamalara əsasən demək olar ki, çiyələyin 1 kq-si Rusiyaya 0,98 dollara və yaxud 1 manat 67 qəpiyə satılıb. 

Sərvanə Rəmixanova