Bu ilin yanvar-fevral aylarında  pərakəndə ticarət dövriyyəsinin həcmi məlum olub.

Valyuta.az Bakı şəhəri Statistika İdarəsinin hesabatına istinadən xəbər verir ki, bu, ötən ilin müvafiq dövrü ilə müqayisədə 4,3 faiz artaraq 5621,2 milyon manat olub. 

Ticarət şəbəkəsində satılmış ərzaq məhsulları, içkilər və tütün məmulatlarının dəyəri əvvəlki ilin yanvar-fevral ayları ilə müqayisədə 1,4 faiz artaraq 3057,9 milyon manat olub. 

Qeyri-ərzaq malları isə 8,0 faiz artaraq 2563,3 milyon manat təşkil edib. 

İstehlak məhsullarının 36,6 faizi hüquqi şəxs statuslu müəssisələrdə, 49,9 faizi fərdi sahibkarlara məxsus ticarət obyektlərində, 13,5 faizi isə paytaxtın əmtəə bazarlarında satılıb.