Təhsildə Keyfiyyət Təminatı Agentliyi (TKTA) mart ayı üzrə 273 müraciətçinin 222-si barədə müsbət qərar verərək müvafiq şəhadətnamələr təqdim edib, 51 nəfərin müraciəti isə mənfi qərarla yekunlaşıb.

Valyuta.az xəbər verir ki, bu barədə TKTA məlumat yayıb.

Mənfi qərarla yekunlaşan müraciətlərə nümunə olaraq 39 fakt üzrə tədris yükünü mənimsəmək üçün təhsil aldığı ölkənin ərazisində tələb olunan normativdən az olması, 6 təhsil forması, 2 dövlət nümunəli olmayan diplom, 1 akkreditasiyasız ali təhsil müəssisəsi, 1 bakalavr diplomu üzrə imtina verilmə, 1 əczaçılıq ixtisası üzrə qiyabi formada təhsil alınması, 1 tədris yükünü mənimsəmək üçün təhsil aldığı ölkənin ərazisində tələb olunan normativdən az olması və əhəmiyyətli fərqi göstərmək mümkündür.

Ölkələr üzrə Türkiyə Respublikasından 84, Ukrayna 62, Rusiya Federasiyası 49, Birləşmiş Krallıq 21, Gürcüstan 14, Macarıstan 11, Belarus Respublikası 4, Polşa Respublikası 4, Kanada 3, həmçinin Almaniya Federativ Respublikası, Amerika Birləşmiş Ştatları, Estoniya Respublikası, İtaliya Respublikası, Koreya Respublikası, Moldova Respublikası, Sudan Respublikalarının hər birində 2, İsveçrə Konfederasiyası, Niderland Krallığı, Belçika Krallığı, Fransa Respublikası, Avstriya Respublikası, Latviya Respublikası, Litva Respublikalarının hər birindən isə 1 müraciət qeydə alınıb.

Ən çox müraciət olunan ixtisaslara gəlincə, iqtisadiyyat ixtisası üzrə 21, biznesin idarə edilməsi ixtisası üzrə 19, maliyyə ixtisası üzrə 19, menecment ixtisası üzrə 16, dövlət və bələdiyyə idarəetməsi ixtisası üzrə 13 müraciət qeydə alınıb.