Bu ilin yanvar-fevral aylarında sığorta şirkətlərinin ödənişlərinin yığıma nisbəti məlum olub.

Valyuta.az-ın məlumatına görə, bu dövr ərzində ümumi ödəniş-yığım nisbəti 38,61% təşkil edib.

Şirkətlər üzrə müqayisədə ən yüksək göstərici “Xalq Həyat” Sığorta Şirkəti ASC-yə məxsusdur. Şirkətin ödəniş-yığım nisbəti 119,15% olub ki, bu da toplanan vəsaitdən daha çox ödəniş edildiyini göstərir. Yəni hər 100 manat yığıma qarşı 119,15 manat ödəniş edilib.

Digər şirkətlər üzrə göstəricilər aşağıdakı kimidir:

“Atəşgah” Sığorta Şirkəti ASC - 62,22%

“Paşa Həyat” Sığorta Şirkəti ASC - 60,76%

“A-Qroup Sığorta Şirkəti” ASC - 55,51%

“Meqa Sığorta” ASC - 42,36%

Ən aşağı ödəniş-yığım nisbətinə malik şirkətlər sırasına isə bu adlar daxildir:

“İpək Yolu Sığorta” ASC - 2,20%

“Qala Həyat” Sığorta Şirkəti ASC - 3,03%

“Aqrar Sığorta” ASC - 14,79%

“Qala Sığorta” ASC - 18,29%

“Paşa Sığorta” ASC - 19,93%

Bununla yanaşı, digər 6 sığorta şirkətində bu nisbət 22% ilə 40% arasında dəyişib.

Maya Hüseynova