"Besan" MMC 3.8 milyonluq sifariş alaraq 2020-ci ildə bu yana qalib gəldiyi tenderlərinin sayını 17-yə çatdırıb. 

Valyuta.Az dövlət satın almaların vahid internet portalına istinadən xəbər verir ki, “İnnovasiya və Təchizat Mərkəzi” publik hüquqi şəxsi adı çəkilən MMC-dən qan qazı müayinələrinin istifadəsi üçün nəzərdə tutulmuş laboratoriya testləri alacaq və bunun müqabilində şirkətə 3.878.266,59 AZN ödəyəcək. 

"Besan" MMC daha çox İcbari Tibbi Sığorta üzrə Dövlət Agentliyinin tenderləində qalib gəlməsi ilə seçilir. 

Belə ki, tərəflər arasında 2020-ci ildən bəri 11 satınalma müqaviləsi bağlanıb və bu müqavilələrin qarşılığında İcbari Tibbi Sığorta üzrə Dövlət Agentliyi tərəfindən şirkətə 6 milyon manata yaxın vəsait ödənilib. 

Qeyd edək ki, 2009-08-24 avqust 2009-cu ildə dövlət qeydiyyatına alınan şirkətin qanuni təmsilçisi Əjdər Baxşaliyev Baxşali oğludur. Şirkətin nizamnamə kapitalı isə 50 100 manatdır. 

Rəhim